旺角石板燒天花板

御石燒 今次要介紹旺角一間價錢好親民高質石板燒肉店，燒肉店入面座位唔算多，一到Lunch大把學生OL等都入去食，而我就等佢哋食完先慢慢入去，店員好好人，幫我搵一個適合嘅位置比我坐，店內空間唔算大，枱面唔大，放兩個套餐加兩個石板爐已經好逼，逼到唔記得咗同食物合照，我每去一間同食物合照都係指定動作，今次真係失策！仲有仲有店員一見到我石板爐無火就好快幫我點火，店員非常細心，雖然店內非常繁忙，但佢一眼關七都唔夠，係一眼關七百，非常厲害！ 呢間石板燒肉店門口有一級，雖然門口一級都算高，好彩我都入到，我用緊嘅迷你斜板開始唔夠我用，我越食越高級，我係指門口一級，喺時候考慮買長一d斜板啦！🤣🤣🤣 1.御燒嫩牛舌芯$108+紫菜味素飯+流心蛋+無糖可樂$22（10/10） 呢個御燒嫩牛舌芯個套餐真係非常抵食，有薄切嫩滑牛舌芯11片，仲可以加$22有好香紫菜味嘅素飯、一隻流心蛋加罐裝無糖可樂，真心非常好味，暫時係我嘅石板燒肉天花板！ 2.御燒極上級吉列牛$118+紫菜味素飯+流心蛋+芬達$22（9.5/10） 呢個御燒極上級吉列牛個套餐真係好抵食，吉列牛有10舊，外面已經鋪上炸粉，只要將吉列牛每邊燒三分鐘就食得，點解我會知？因為店內有張卡已經教人點燒，仲可以加$22有好香紫菜味嘅素飯、一隻流心蛋加罐裝芬達，真心非常好味，暫時係我嘅石板燒肉天花板！ 2人總共價錢$270 個人口味總評分：9.75/10 @royal_stone_grill 地址：旺角廣華街2-20號翠園大廈二期地下10號舖 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #御石燒#石板燒肉店#牛舌芯#吉列牛#旺角#香港美食#旺角美食#旺角好去處#hkig#hkboy#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#全民打卡企劃 #食勻全世界#社群歎世界#社群有辦髮 #美妝時尚